Հայաստանի կառավարությունն իր սեպտեմբերի 9-ի նիստում համաձայնություն է տվել Հայաստանի եւ Իտալիայի կառավարությունների միջեւ դիվանագիտական անձնագրեր կրողների համար մուտքի արտոնագրեր ստանալու պահանջի վերացման համաձայնագրի կնքման առաջարկությանը: Ինչպես NEWS.am-ը տեղեկանում է Կառավարության մամուլի ծառայությունից, համաձայնագրի կնքմամբ կավելանաՇենգենյան գոտում այն երկրների թիվը, որոնց տարածք դիվանագիտական անձնագիր կրող ՀՀ քաղաքացիները կարող են մուտք գործել առանց մուտքի արտոնագրի: