նախընտրելի դարձնելԼոռու մարզի Ստեփանավան քաղաքում դեկտեմբերի 29-ին գիշերը վիճաբանության ժամանակ վիրավորված անչափահաս տղաներից մեկի վիճակը ծանր է: Այս մասին NEWS.am-ին հայտնեցին Ստեփանավանի բժշկական կենտրոնից, որտեղ տեղափոխվել են վեճին մասնակից երեք տղա:
«15 տարեկան Արա Միրզոյանի վնասվածքը լուրջ է, վնասվել է ենթաստամոքսային գեղձը»,- ասաց հիվանդանոցի աշխատակիցներից մեկը՝ նշելով, որ տղային տեղափոխում են Երեւան:
Մյուս երկու տղաները՝ 18-ամյա Տիգրան Բաղդասարյանը եւ 15-ամյա Արարատ Շահնազարյանը մնում են Ստեփանավանի բժշկական կենտրոնում:
Տիգրանը որովայնի կողմնային պատի կտրած ծակած վերք ունի, Արարատը՝ կրծքավանդակի ձախ կեսի:
Ավելի վաղ NEWS.am-ը հայտնել էր, որ Լոռու մարզի Ստեփանավան քաղաքում մի խումբ տղաների միջեւ վիճաբանությունն ավարտվել է դանակահարությամբ: Հանգամանքները պարզվում են:
