69-ամյա Վալերի Մուսայելյանը, որի դին Արարատի մարզի Նորամարգ գյուղում այսօր՝ դեկտեմբերի 30-ին, հայտնաբերվել է գլխի վնասվածքով, ապրում է միայնակ: Այս մասին NEWS.am-ին ասաց Նորամարգի գյուղապետ Սարգիս Գալստյանը՝  նշելով, որ տղամարդու դին հայտնաբերվել է իր սեփական տանը:

Գյուղապետն ասաց, որ տղամարդը հոգեկան հիվանդություն ունի: 

Նշենք, որ նախնական տեղեկություններով նա ծեծի հետեւանքով է մահացել։

Նշանակվել է դատաբժշկական փորձաքննություն, մահվան հանգամանքները պարզվում են։