Լոս Անջելեսում վիրավորվել ու ձերբակալվել է որոնման մեջ գտնվող Արտյոմ Գասպարյանը (ֆոտո)

Լոս Անջելեսի ոստիկանությունը ձերբակալել է որոնման մեջ գտնվող Արտյոմ Գասպարյանին:

Ինչպես հայտնում է ABC հեռուստաալիքը, ձերբակալության ժամանակ 37-ամյա կասկածյալը վիրավորվել է ու տեղափոխվել շտապ օգնության բաժանմունք:

Միջադեպը կատարվել է Սան Վելիի 5-րդ մայրուղու վրա: Ոստիկանության ներկայացուցչի խոսքով, Գասպարյանին ձերբակալելու գործողության պատճառով երթեւեկությունը մի քանի ժամով փակվել էր, հայտնում է SlavicSac.com–ը:

Ականատեսների խոսքով, տղամարդուն նկատել էր հատուկ ծառայություններից գործակալներից մեկը մեքենաների արհեստանոցում, որտեղ Գասպարյանը փորձում էր վերանորոգել իր ավտոմեքենան: Նկատելով, որ իրեն հետապնդում են, Գասպարյանը փորձել է թաքնվել՝ դուրս գալով ֆրիվեյի հանդիպակաց գոտի: Հետապնդման ընթացքում հատուկ նշանակության ջոկատը ստիպված է եղել հրազեն կիրառել, ինչի հետեւանքով փախստակը վիրավորում է ստացել: Նրա մոտ հրազենային զենք են գտել:

Ինչպես նշում է LA Times–ը, ձերբակալվածին կասկածում են հրազենային զենքի կիրառումով լուրջ հանցագործությունների մեջ: Մասնավորապես իրավապահ մարմինները նրան մեղադրում են անցած տարվա դեկտեմբերին Պանարամա սիթիում կատարված սպանությանը առնչություն ունենալու, նաեւ այդ նույն ամսին Բերբանկայում արյունալի փոխհրաձգության համար: Բացի դրանից կալանավորվածին կասկածում են 37-ամյա զոհի սպանության համար, որին անգիտակից վիճակում գտել էին Վան Նայս պուրակում: Նրան հիվանդանոց էին տեղափոխել, որտեղ էլ նա մահացել էր:

Լոս Անջելեսի ոստիկանությունը փնտրում է սպանության մեջ մեղադրվող Արտյոմ Գասպարյանին