նախընտրելի դարձնելՄինչեւ տարվա վերջ Samsung-ն իր խելացի Gear S2 ժամացույցին iOS-ի հիմքով աշխատող սարքերի ապահովում կավելացնի: Այդ մասին ընկերությունը պատմել է Լաս Վեգասում սպառողական էլեկտրոնիկայի CES 2016 ցուցահանդեսի շրջանակում իր մամուլի ասուլիսին:
Ենթադրվում է, որ Samsung-ի սարքերը հնարավոր կլինի միացնել iOS սարքավորումներին, օրինակ` iPhone-ին բազային գործառույթների իրականացման համար:
Gear S2-ը աշխատում է Tizen-ով` Samsung-ի սեփական օպերացիոն համակարգով: Ներկայումս խելացի ժամացույցի ապահովումն իրականացվում է Android սարքավորումներով, տեղեկացնում է Lenta-ն:
Ընկերությունը նաեւ հայտնել է, որ Gear S2 Classic շարքին ավելացրել է «վարդագույն ոսկի» եւ «պլատին» գույների թանկարժեք մետաղների հիմնակմախքներով մոդելներ: Առաջինի փոկը փղոսկրի գույնի է, իսկ երկրորդը սեւ գունավորում է ստացել, երկուսն էլ պատրաստված են բնական կաշվից:
Նոր շքեղ արտադրանքի գինն առայժմ հայտնի չէ: Իր գործառնականությամբ այդ ժամացույցին մոտ ոսկե հիմնախմախքով Apple Watch-ը 10 հազար դոլար արժե:
