նախընտրելի դարձնելSamsung ընկերությունը «Consumer Electronics Show 2016» ամենամյա ցուցահանդեսին ներկայացրել է խելացի «Family Hub» սառնարանը: Դրա գլխավոր առանձնահատկությունը իր ներսում գտնվող մթերքները ճանաչելու, դրանց թարմությունը եւ քանակը պարզելու եւ տիրոջը փչացած եւ քիչ քանակությամբ մնացած մթերքների մասին տիրոջը տեղեկացնելն է: Այդ տեղեկությունն ուղարկվում է տիրոջ սմարթֆոնին:
Սառնարանն ի վիճակի է նաեւ համացանցում ինքնուրույն պատվիրել մթերքներ, եթե տերը համապատասխան կարգավորում անի: Առայժմ այդ հնարավորությունը նախատեսված է միայն կորեացի գնորդների համար: Խելացի սառնարանի մնացած գործառույթներն այնքան տպավորիչ չեն. այն մեծ ներկառուցված էկրան ունի եւ կարող է ծառայել որպես «խելացի տան» կառավարման կենտրոն: Վաճառքի սկզբի եւ խելացի սառնարանի արժեքի մասին առայժմ չի հաղորդվում, տեղեկացնում է Kedem-ը:
