Սեպտեմբերի 11-ին Հայաստանի Ազգային ժողովի նախագահ Հովիկ Աբրահամյանն ընդունել է «Կարոտ» հայկական փառատոնի հիմնադիր, Հայ մշակույթի զարգացման հիմնադրամի նախագահ Մեցո Իգիթյանին:

ԱԺ մամուլի ծառայությունից NEWS.am-ին հայտնում են, որ  Հայ մշակույթի զարգացման հիմնադրամի նախագահը նշել է, որ  Հայաստանում եւ ԼՂՀ-ում օրերս անցկացված «Կարոտ» փառատոնի մասին դրական արձագանքներ են ստացվել Հայաստանի եւ արտերկրի  արվեստասերներից ու մշակույթի գործիչներից: Սա նշանակում է, որ փառատոնը հաջողությամբ է կատարում հայ մշակույթի տարածմանն ու միջազգայնացմանը նպաստելու իր առաքելությունը:

Զրուցակիցներն անդրադարձել են նաեւ հաջորդ տարի «Կարոտ» հայկական փառատոնը  Փարիզում անցկացնելու առաջարկին, որն աշխարհահռչակ դերասան Ժերար Դեպարդիեի հետ Երեւանում հանդիպման ժամանակ հնչեցրել էր ՀՀ Ազգային ժողովի նախագահը` ֆրանսիացի դերասանին գլխավոր դեր վերապահելով այդ փառատոնում:  Հովիկ Աբրահամյանը պատրաստակամություն է հայտնել աջակցել փառատոնի նախապատրաստմանն ու անցկացմանը:

Մեցո Իգիթյանը   Հայ մշակույթի զարգացման հիմնադրամի անունից հուշանվեր է հանձնել Ազգային ժողովի նախագահին: