Ավելի քան մեկ տարի պահանջվեց  Սեւան -Մարտունի-Գետափ միջպետական ճանապարհի բարձրացման աշխատանքներն իրականացնելու համար: Հիշեցնենք, որ Լճաշենի մոտ գտնվող այս հատվածը Սեւանա լճի մակարդակի բարձացման հետեւանքով ջրածածակվել էր: Ճանապարհը երիզող ծառերը հատվեցին, որից հետո որոշվեց  2,5 կմ-անոց հատվածը 3 մետրով բարձացնել: Անցած տարվա հուլիսից սկսվեցին աշխատանքները,իսկ ճանապարհի այդ հատվածը  պետք է շրջանցեին  Լճաշեն գյուղի միջով, որը երեք անգամ ավել երկար է, շուրջ 7 կմ:

NEWS.am-ի թղթակիցը Տրանսպորտի եւ կապի նախարարությունից փորձել է պարզել, թե ի՞նչ փուլում են աշխատանքները: Նախարարի մամուլի քարտուղար Սուսան Տոնոյանի փոխանցմամբ` օրերս ավարտվել են աշխատանքները: «Ճանապարհն արդեն շահագործվում է, թեեւ ասֆալատապատման աշխատանքներ չեն իրականացվել: Այժմ ճանապարհը խճապատ է, քանի որ ջրի բարձացման վտանգ կա»,- ասել է նա: 

Վերջինիս ներկայացրած տվյալների համաձայն` Սեւան Մարտունի -Գետափ ճանապարհի  պայմանագրային  արժեքը կազմել է 968, 94 միլիոն դրամ: 2009-ին կատարվել է  376, 825 մլն դրամի աշխատանք,իսկ այս տարվա բյուջեով նախատեսված է կատարել 592, 114 մլն դրամի հիմնանորոգման աշխատանքներ: Սեպտեմբերի 15-ի դրությամբ` կատարվել է 178 միլիոն դրամի ափապաշտպան միջոցառումներ եւ հողային աշխատանքեր, բացի այդ տեղադրվել են 3400 մ մետաղի արգելափակոցներ, որոնց արժեքը  կազմել է 74 միլիոն դրամ: