նախընտրելի դարձնելԴեմոկրատական կուսակցությունից ԱՄՆ-ի նախագահի թեկնածու Հիլարի Քլինթոնը փետրվարի 15-ին Նեւադայի նահանգի արեւմուտքում գտնվող Ռենո քաղաքում ընտրողների հետ հանդիպման ընթացքում իր պատմությունը հաչոցով է ուղեկցել:
Նախկին պետքարտուղարը պատմել է իր սիրելի քաղաքական գովազդի մասին, որը նա լսել էր Արկանզասի նահանգի ռադիոյով: Այն ժամանակ հաղորդավարը հայտնել է, որ իրենց խմբագրական խումբը տեղի շանը սովորեցրել է հաչել, եթե թեկնածուներից մեկի խոսքն իրենց ստահոդ է թվում, տեղեկացնում է «Իզվեստիան»:
«Շունը ռադիոյով հաչում էր, երբ լսում էր թեկնածուների ելույթները, իսկ թեկնածուները հետո` բանավեճի ընթացքում իրար վրա էին հաչում,- ասել է Քլինթոնը: Ինձ էդպիսի շուն է պետք»:
Քլինթոնը նաեւ նշել է, որ դեմոկրատները «կրնկակոխ կհետեւեին» հանրապետականներին եւ նախընտրական միջոցառումներին կբերեին իրենց շանը, հաղորդում է CNN-ը:
«Մեծ անկման պատճառը Ուոլլ-սթրիթի նկատմամբ չափազանց մեծ վերահսկողությունն է, հաֆ, հաֆ, հաֆ»,-ասել է Քլինթոնը:
