նախընտրելի դարձնել
Beeline-ը հայտարարում է ՀՀ հեռահաղորդակցության շուկայում առաջինը հանդիսացող «Neo» եւ «Neo+» ծառայությունների փաթեթների գործարկման մասին: Ծառայությունների փաթեթները ներառում են անսահմանափակ զանգեր Beeline բջջային ցանցի ներսում, 100 անվճար SMS-հաղորդագություն դեպի ՀՀ եւ ԼՂՀ բոլոր բջջային ցանցեր, 1 ԳԲ ծավալով բջջային ինտերնետ, անսահմանափակ շփում Facebook Messenger, WhatsApp, ОК եւ VK հարթակներում, ինչպես նաեւ անսահամանափակ ինտերնետ տանը մինչեւ 30 մբ/վրկ արագությամբ:
«Neo» ծառայության փաթեթի ամսական բաժանորդային վարձն ընդամենը 4990 դրամ է: «Neo+» ծառայության փաթեթի ամսական բաժանորդային վարձը 5990 դրամ է: Դեպի ՀՀ եւ ԼՂՀ ֆիքսված, ինչպես նաեւ դեպի ՀՀ եւ ԼՂՀ այլ բջջային ցանցեր կատարվող զանգերի արժեքը րոպեն 15,9 դրամ է: Հաշիվը կարելի է վճարել` լիցքավորելով բջջային հեռախոսահամարը, ինչն առավելագույնս պարզեցնում է վճարումը ծառայությունների ամբողջ փաթեթի համար:
«Neo սակագնային փաթեթները մշակելիս մենք մեր առջեւ դրել ենք շատ լուրջ նպատակ` առաջարկել բաժանորդին «ամեն ինչ եւ միանգամից», ընդ որում` առավելագույնս ցածր գնով: Հպարտությամբ կարող եմ ասել, որ մեզ մոտ դա ստացվեց: Մենք ստեղծել ենք հավանաբար ամենապարզ եւ հարմար առաջարկը, որին միանալով` մեր բաժանորդները կստանան շատ արագ ինտերնետ տանը եւ բջջային հեռախոսով, անսահմանափակ ներցանցային զանգեր, SMS-հաղորդագրությունների մեծ փաթեթ, անսահմանափակ շփում Facebook Messenger, WhatsAPP, Оdnoklassniki եւ Vkontakte հարթակներում, ինպես նաեւ շահավետ գին դեպի այլ ցանցեր զանգեր կատարելու համար: Մեր առաջարկի հիմնական առավելություններից է միասնական հաշիվը, որը բաժանորդին հնարավորություն է տալիս վճարել ծառայությունների փաթեթի համար` լիցքավորելով բջջային հեռախոսահամարը` առավելագույնս պարզեցնելով վճարումը», - նշեց Հայաստանում Beeline-ի Գլխավոր տնօրեն Անդրեյ Պյատախինը:
«Neo» եւ «Neo+» առաջարկները գործում են ֆիզիկական անձ հանդիսացող բաժանորդների համար: Առաջարկներին կարող են միանալ թե նոր, եւ թե գործող Beeline բաժանորդները: Neo առաջարկների փաթեթին կարելի է միանալ ընկերության վաճառքի եւ սպասարկման գրասենյակներում:
