ԱՄՆ-ի նախագահ Բարաք Օբաման Կուբա պատմական այցի ընթացքում հայտնել է, որ  Google ընկերությունը նախատեսել է ընդլայնել կղզում համացանցի մատչելիությունը, հայտնում է «ՌԻԱ Նովոստին»: 

«Մենք արդեն թուլացրել ենք մի շարք սահմանափակումներ ոչ միայն ֆինանսական սեկտորում, այլեւ` տեղեկատվության: Ընկերությունները կսկսեն գալ այստեղ:  Այստեղ մեր անելիք հայտարարություններից մեկը վերաբերում է այն բանին, որ   Google-ը համաձայնագիր է ստորագրել կղզում WiFi մուտքի բազմաթիվ կետեր տեղադրելու եւ   համացանցի լայնագիծ մատչելիության ընդլայնման վերաբերյալ», — ABC News-ին տված հարցազրույցում ասել է Օբաման:

ԱՄՆ-ի նախագահը Կուբա է եկել կիրակի, նրա այցը կտեւի մինչեւ երեքշաբթի: Օբամայի այցը հնարավոր է դարձել 2014-ի դեկտեմբերին ԱՄՆ-ի եւ Կուբայի կողմից հարաբերությունների կարգավորման մասին հայտարարությունից եւ հուլիսին ավելի քան 50 տարի առաջ` Ազատության կղզում հեղափոխությունից հետո ընդհատված  դիվանագիտական հարաբերությունները  վերականգնելուց հետո: