Այսօր՝ մարտի 24-ին, տեղական ժամանակով ժամը 07.54-ին, (Գրինվիչի ժամանակով` 03.54-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել 2.5 մագնիտուդով երկրաշարժ:

Հայաստանի ԱԻՆ-ից NEWS.am-ին հայտնում են, որ էպիկենտրոնի աշխարհագրական կոորդինատներն են` հյուսիսային լայնության 40.93 աստիճան եւ արեւելյան երկայնության 44.39 աստիճան:

Երկրաշարժի օջախը գտնվել է երկրի մակերեւույթից 10 կմ խորության վրա: Ստորգետնյա ցնցման ուժգնությունն էպիկենտրոնում կազմել է 3-4 բալ:

Երկրաշարժը զգացվել է Ստեփանավան քաղաքում եւ մոտակա բնակավայրերում 3-4 բալ ուժգնությամբ: