Խանտի Մանսիյսկում ավարտվեց  39-րդ Համաշխարհային շախմատային Օլիմպիադայի 2-րդ տուրը: Տղամարդկանց մրցաշարում առաջատարների մասին խոսելն առայժմ վաղ է, քանի որ 32 հավաքական երկուական հաղթանակ է տարել: Լրացուցիչ ցուցանիշներով առաջին տեղը զբաղեցնում է Ուկրաինան: Հայաստանը 17-րդ տեղում է:

Երկրորդ տուրում պայքարի մեջ մտավ Լեւոն Արոնյանը, որը թեթեւ նախավարժանք արեց կարեւորագույն մրցախաղերից առաջ: Հայաստանի քառյակը միայն կես միավոր զիջեց ավստրալացիներին, իսկ Արոնյանը հաղթեց 28 քայլում:

Տղամարդիկ, 2-րդ տուր

Հայաստան - Ավստրալիա

Լեւոն Արոնյան – Ցոնգ Յուան Չժաո` 1-0

Դավիդ Սմերդոն - Վլադիմիր Հակոբյան` 1/5-1/5

Գաբրիել Սարգսյան – Ջորջ Վենդի Քսի` 1-0

Ստեֆան Սոլոմոն - Արման Փաշիկյան`0-1

Երկրորդ տուրի հանդիպումներից նշենք Ադրբեջանի հավաքականի պարտությունը Վիետնամից` 1,5:2,5 հաշվով: Ադրբեջանի հավաքականի բոլոր գրոսմայստերներն իրենց վարկանիշով զգալիորեն գերազանցում են վիետնամցիներին, սակայն Մամեդյարովը, Ռաջաբովը եւ Հուսեյնովը ոչ ոքի խաղացին, իսկ Ռաուֆ Մամեդովը պարտություն կրեց:

Անակնկալ էր նաեւ իսրայելցիների ոչ ոքին Ինդոնեզիայի հետ: Հայտնի է, որ Իսրայելը  բնակիչների մեկ շնչին ընկնող գրոսմայստերների թվով համաշխարհային առաջատար է, իսկ Ինդոնեզիայում շախմատը թույլ զարգացած է, ուժեղագույն գրոսմայստերների վարկանիշն էլ 2300-2500-ի սահմաններում է:

Հայաստան – Ավստրալիա` 3,5:0,5

Ուկրաինա – Շոտլանդիա` 4:0

Ռուսաստան – Սերբիա` 3:1

Ադրբեջան – Վիետնամ` 1,5:2,5

Իսրայել – Ինդոնեզիա` 2:2

Մոնղոլիա – ԱՄՆ` 3,5:0,5