«Հայկական ժամանակ»-ի տեղեկացմամբ` ՀՀ ոստիկանությունում համառ լուրեր են շրջում այն մասին, որ ՀՀ ճանապարհային ոստիկանության պետ Մարգար Օհանյանը շուտով նշանակվելու է ՀՀ փոխոստիկանապետ։ Այս լուրերը պաշտոնապես ոչ հաստատվում են, ոչ` հերքվում։ «Թե նրա՝ նոր պաշտոն ստանալուց հետո, ո՞վ է նշանակվելու ճանապարհային ոստիկանության պետ, առայժմ հայտնի չէ։ Հայտնի չէ նաեւ, թե, արդյոք, Օհանյանի համար փոխոստիկանապետի նոր հաստի՞ք է բացվելու, թե՞ գործող փոխոստիկաններից մեկը պետք է ազատվի աշխատանքից»,-գրում է պարբերականը։