Նախընտրելի
Ռուսաստանը, պայմանագրերի համաձայն, կշարունակի զենք մատակարարել Ադրբեջանին որպես ռազմավարական գործընկեր։ Այս մասին հայտնել է ՌԴ փոխվարչապետ Դմիտրի Ռոգոզինը, փոխանցում է ՏԱՍՍ-ը։
2015թ. սկզբին հայտնի էր դարձել, որ Ռուսաստանը ավարտում է Ադրբեջանին Տ-90Ս տանկերի մատակարարումները։ Ավելի վաղ «Ռոսոբորոնէքսպորտը» հայտնել էր, որ 2017-ին ՌԴ-ն կավարտի սպառազինությունների ու տեխնիկայի խոշոր խմբաքանակի մատակարարումները այն համաձայնություններով, որոնք կնքվել էին 2010-ին։
Լրատվամիջոցների տեղեկություններով՝ խոսքը նաեւ երեք գումարտակ Տ-90Ս տանկերի եւ երեք գումարտակ ՀՄՄ-3 մեքենաների, ինքնագնաց հրետանու, համազարկային կրակի ռեակտիվ համակարգերի եւ ծանր կրականետային համակարգերի մասին է։ Բացի այդ, Ադրբեջանը գնել է նաեւ վերանորոգման, տարհանման եւ ինժեներական մեքենաներ, մեքենաներ, որոնք անհրաժեշտ են հրաձգության սպասարկման եւ կառավարման համար։
Տանկերը գնվում են այս պահին առավել կատարյալ սերիական կոմպլեկտով, որը ներառում է «Շտորա» օպտիկա-էլեկտրոնային ճնշման համակարգի նոր մոդիֆիկացիաներ, օդորակիչ եւ նպատակին ուղեկցող ինքնաձիգ։
Փորձագետները նշում էին, որ այդ պայմանագրերի փաթեթն արժի 1 մլրդ դոլար։
Բաց աղբյուրների տեղեկություններով՝ 2010-ին պայմանագիր է կնքվել Ադրբեջանին Մի-35Մ 24 ուղղաթիռ մատակարարելու մասին։
