Ցանցահենները մուտք են ստացել Facebook-ի ներքին կորպորատիվ ցանցին եւ մի քանի ամսվա ընթացքում օգտվել են սոցցանցի աշխատակիցների հարյուրավոր հաշիվներից, հայտնում է   The Guardian-ը:

Կորպորատիվ ցանցի ներսում կասկածելի ակտիվություն է հայտնաբերվել այս տարվա փետրվարին մոնիտորինգի ընթացքում: 

Հետաքննության ընթացքում մոտ յոթ խոցելիություն է հայտնաբերվել, այդ թվում նաեւ` ֆայլերի փոխանցման ծառայությունում: Անվտանգության աշխատակիցները նաեւ պարզել են, որ առնվազն մեկ ցանցահեն վարկաբեկել է  Facebook-ը եւ գործել է կորպորատիվ ցանցի ներսում, հայտնում է    Gazeta-ն:

Facebook-ն օգտատերերի տվյալները կորպորատիվ ցանցից առանձին է պահում: Հայտնի չէ` արդյոք  Facebook-ի աշխատակցի հաշվառման տվյալները մուտք են տալիս օգտատերերի տեղեկություններին: