Նախընտրելի
BlackBerry ընկերությունը վերջնականապես հրաժարվել է սմարթֆոնների արտադրությունից: Այս մասին գրում է Yahoo! Tech-ը:
Ըստ Ռոսիյսկայա գազետայի, փոխարենն ընկերությունը կկենտրոնանա ծրագրային ապահովման մշակման աշխատանքների ուղղությամբ:
Ընկերության գլոբալ վաճառքների գծով փոխնախագահ Կառլ Վիզեի խոսքով, BlackBerry-ին հաջողվել է ավելի մեծ հաջողությունների հասնել ծրագրային ապահովման շուկայում, քան ակնկալվում էր:
«Անցյալ տարվա կոնֆերանսին գրեթե բոլոր հարցերը վերաբերում էին սմարթֆոններին: Իսկ երբ հայտարարեցինք, որ ցանկանում ենք ծրագրային ապահովման օգնությամբ 500 մլն դոլար վաստակել, մեզ խելագար համարեցին: Հիմա մենք հասանք այդ նպատակին»,- հայտարարել է Վիզեն:
