Facebook ընկերությունը Մերձավոր Արեւելքում, Հյուսիսային Աֆրիկայում եւ Պակիստանում էլեկտրոնային առեւտրի ծառայության ղեկավար է նշանակել Շանթ Օքնանյանին: Այս մասին գրում է The Telecompaper-ը:

Շանթ Օքնանյանը բիզնեսի զարգացման կառավարման 15-ամյա փորձ ունի, մասնավորապես՝ կառավարությունների եւ կորպորացիաների համար թվային եւ ներդրումային ռազմավարությունների ոլորտում:

Ավելի վաղ նա ղեկավարել է Մերձավոր Արեւելքում եւ Հյուսիսային Աֆրիկայում Google ընկերության շուկայի զարգացման բաժինը փոքր եւ միջին ձեռնարկությունների համար: