Ռուսաստանը Թուրքիայի իշխանություններին է հանձնել Սամսուն-Ջեհյան նավթատարի նախագծի միջկառավարական համաձայնագիրը, որով տարեկան մատակարարվելու  է 25 մլն  տոնա նավթ։

«ՌԻԱ Նովոստի» գործակալության հաղորդմամբ` ՌԴ էներգետիկայի նախարարի տեղակալ Անատոլի Յանովսկին նշել է, որ միջկառավարական համաձայնագրի նախագիծը նախապես քննարկել են թուրքական կողմի հետ եւ հիմք ընդունել հետագա գործունեության համար։

Նախագիծը նախապես նախատեսված էր տարեկան 60-70 մլն տոննա նավթ տեղափոխելու համար եւ այն ծրագրվում  էր իրականացնել ռուսական կողմի մասնակցությամբ։

Սամսուն-Ջեյհան նավթամուղը նախատեսվում է անցկացնել  սեւծովյան Սամսուն քաղաքից մինչեւ միջերկրակական ծովի  Ջեյհան նավահանգիստ։

Անցած տարվա հոկտեմբերին Միլանում ստորագրվել է  համաձայնագիր, որով ռուսական «Ռոսնեֆտ», «Տրանսնեֆտ» եւ «Սովկոմֆլոտ» ընկերությունները թուրքական  Calik եւ իտալական Eni  ընկերությունների հետ միասին մասնակցելու են Սամսուն-Ջեհյան նավթամուղի շինարարությանը եւ շահագործմանը։