Նախընտրելի
Ճապոնիայում սկսվել է աշխարհում առաջին ռոբոտ-հեռախոսի` «ՌոԲոՖոնի» վաճառքը, որը կարող է պարել եւ խոսել, հայտնում է «ՌԻԱ Նովոստին»:
Նշվում է, որ վաճառքի առաջին օրը վաճառվել է ամբողջ առաջին խմբաքանակը, այսինքն` 1000 հեռախոս նախապատվերով: «Այսօրվանից մենք սկսում ենք ռոբոտանման «ՌոԲոՖոն» հեռախոսների վաճառքը Ճապոնիայի 200-ից ավելի խանութներում: Առաջին հազար հատը արդեն վաճառվել է նախնական պատվերով: Մենք այսօրվա օրը նշում ենք որպես «ՌոԲոՖոնի» ծննդյան օր», — ասել է Sharp կորպորացիայի փոխնախագահ, Հաղորդակցվող ռոբոտների կենտրոնի տնօրեն Սինսուկե Յամամոտոն:
«ՌոԲոՖոնը» կարող է իրականացնել սմարթֆոնի բոլոր գործառույթները, միաժամանակ մարդանման ռոբոտ է, որը կարող է քայլել, պարել, երգեր երգել, խոսել եւ այլ գործողություններ կատարել:
«ՌոԲոՖոնի» գինը 1800 դոլար է եւ արտադրողը հույս ունի դրա կայուն պահանջարկ եւ վաճառք ունենալ մինչեւ ամիսը` 5000:
