նախընտրելի դարձնել
Սեպտեմբերի 30-ից- հոկտեմբերի 1-ը` ՄԱԿ-ի Զարգացման ծրագրի (ՄԱԶԾ) Բրատիսլավայյի տարածաշրջանային գրասենյակը եւ ՀՀ Մարդու իրավունքների պաշտպանի գրասենյակը համատեղ կազմակերպել են Կովկասի եւ Կենտրոնական Ասիայի մարդու իրավունքների ազգային հաստատությունների` ենթատարածաշրջանային մակարդակով առաջին հանդիպումը:
Մարդու իրավունքների պաշտպանի գրասենյակից NEWS.am-ին հայտնում են, որ Աղվերանում կազմակերպված միջոցառումը կրում էր «Փոքրամասնությունների իրավունքները եւ սեռերի իրավահավասարության խթանման օրակարգ- անկախ եւ գործող մարդու իրավունքների ազգային հաստատություններ» խորագիրը:
Հանդիպմանը ներկա էին Կովկասի եւ Կենտրոնական Ասիայի երկրների Օմբուդսմենները, տարածաշրջանում մարդու իրավունքների ազգային հաստատությունների ներկայացուցիչներն եւ ՄԱԶԾ տարածշրջանային գրասենյակի համապատասխան գործընկերները:
Հանդիպմանը հրավիրված են եղել նաեւ օտարերկրյա փորձագետներ, ովքեր հանդես են եկել բանախոսությամբ եւ զեկույցներով, ինչպես նաեւ ներկայացրել տարածաշրջանի այլ երկրների վերջին տարիների փորձը: Բացման խոսքով հանդես է եկել ՀՀ Մարդու իրավունքների պաշտպան Արմեն Հարությունյանը, ՄԱԿ-ի մշտական համակարգող, ՄԱԶԾ մշտական ներկայացուցիչը Հայաստանում` Դաֆինա Գերչեւան եւ Ժողովրդավարական կառավարման պրակտիկայի ղեկավար Անի Դեմիրճյանը:
