Երեւանի Մալաթիա-Սեբաստիա համայանքում հուլիսի 20-ին հնչած կրակոցներից վիրավորվել է երկու անձ, որոնցից մեկը ԱԺ պատգամավո Սամվել Ալեքսանյանի մտերիմն է։

Ինչպես ավելի վաղ հայտնել էր NEWS.am-ը, նՆախնական տեղեկություններով՝ երկու տղամարդ վիճաբանել են եւ նրանցից  մեկը  իր մոտ եղած ատրճանակով կրակել է մյուսի ուղղությամբ՝  վնասելով ոտքը։

Դեպքի վայր ժամանած ոստիկանների հրահանգներին չի ենթարկվել տղամարդկանցից մեկը եւ շարունակել կրակել, որի ժամանակ ոստիկանը կրակել է նրա ոտքին եւ վերցրել ձեռքի ատրճանակը։

Shamshyan.com-ի փոխանցմամբ, ոստիկաններն ու քննիչները պարզել են, որ վիրավորներից մեկը Նորագյուղ թաղամասի 177 տան բնակիչ, 50-ամյա Ռուբեն Կոստանյանն է, որը պատգամավոր Սամվել Ալեքսանյանի մտերիմ ընկերն է, հայտնի է Նորագյուղցի Բոգո մականունով։ Մյուս վիրավորը Քանաքեռ-ՀԷԿ 8-րդ շենքի բնակիչ, 44-ամյա Ռոբերտ Ավետիսյանն է: Ավետիսյանը Իսակովի պողոտայի թիվ 3/7 հասցեում գործող «555» հացատանը ինչ-որ հարցի շուրջ ծագած վիճաբանության ժամանակ իր մոտ եղած ատրճանակով կրակել է Կոստանյանի ուղղությամբ՝ վնասելով նրա ձախ սրունքի հատվածը: Այնուհետեւ այդ պահին ՀՀ ոստիկանության պետական պահպանության գլխավոր վարչության աշխատակից, 43-ամյա Ռոբերտ Եփրեմյանը վնասազերծել է Ավետիսյանին։

Նշված դեպքով հարուցվել է քրեական գործ։