նախընտրելի դարձնել
Երեւանի Բաղրամյան պողոտայում ցույցի ժամանակ հուլիսի 30-ին ինքնահրկիզման փորձ կատարած տղամարդու վիճակը շարունակում է մնալ ծայրահեղ ծանր: Այս մասին NEWS.am-ը տեղեկացավ ճառագայթային բժշկության եւ այրվածքների գիտական կենտրոնի վերակենդանացման բաժանմունքից: Հիվանդանոցից տեղեկացրին, որ Քաջիկ Գրիգորյանի վիճակում դեռ ոչ մի դրական տեղաշարժ չկա, նրա մոտ այրվածքային հիվանդության երկրորդ` թունավորման շրջանն է սկսվել:
Նշենք, որ Քաջիկ Գրիգորյանն այս պահին ստանում է մետադոնային բուժում, նա ունի շնչուղիների, ձեռքերի, գլխի, մեջքի, նստատեղի, ոտքերի, կրծքավանդակի այրվածքներ:
Նշենք, որ տղամարդու վերին շնչուղիների 15 եւ մարմնի մակերեսի 55 տոկոսն այրվել է:
Ավելի վաղ տեղեկացրել էինք, որ հուլիսի 30-ին, Երեւանի Բաղրամյան պողոտայում, երբ ցուցարարները փակել էին պողոտան եւ նստացույց էին անում, մոտ 50 տարեկան տղամարդ ինքնահրկիզման փորձ էր արել: Նրան օգնության էին հասել քաղաքացիները եւ տաքսի ծառայության մեքենայով տեղափոխել հիվանդանոց:
