Նախընտրելի
2016-ի հունիսի դրությամբ Չինաստանում Ինտերնետ օգտագործողների թիվը հասել է 710 մլն մարդու, ինտերնետն ընդգրկում է երկրի բնակչության 51,7 տոկոսը: Այդ մասին ասված է Չինաստանում ինտերնետի զարգացման վերաբերյալ վիճակագրական զեկույցում, հայտնում է Սինհուան:
Փաստաթղթում նշված է, որ ընթացիկ տարվա առաջին կեսին Չինաստանում ինտերնետ օգտագործողների թիվն աճել է 21,32 մլն մարդով եւ առաջին անգամ գերազանցել է 700 մլն մարդու սահմանը: Ինտերնետի կողմից բնակչության ընդգրկումը 1,3 տոկոսային կետով ավելացել է 2015 թվականի վերջին արձանագրված ցուցանիշի համեմատ:
Դրա կողքին, Ինտերնետից այն օգտվողների թիվը, որոնք կանոնավոր կերպով ցանց են մուտք գործում բջջային հեռախոսներից, հասել է 656 մլն մարդու, Ինտերնետ օգտագործողների շրջանում նրանց մասնաբաժինն ավելացել է` 90,1-ից հասնելով 92,5 տոկոսի:
