Նախընտրելի
Վլադիկավկազում ահաբեկչության կազմակերպիչը եղել է չեչեն գրոհայինների առաջնորդներից մեկի՝ Դոկու Ումարովի մերձավոր զինակից Իսսա Խաշագուլգովը:
Այդ մասին հոկտեմբերի 12-ին հայտնել է Ռուսաստանի Անվտանգության դաշնային ծառայության տնօրեն Ալեքսանդր Բորտնիկովը:
Նրա խոսքով, ահաբեկչությունը բացահայտվել է:
«Պայթյունի անմիջական իրականացնողները եղել են ավազակախմբի անդամներ Ա.Դաուրբեկովը, Մ.Լատիրովը եւ Խաշագուլգովի եղբայրը»,- ասել է Բորտնիկովը:
Վերոնշյալ բոլոր անձինք ձերբակալվել են, եւս երկու անձ սպանվել է ձերբակալության ժամանակ, ասել է Բորտնիկովը:
Ինչպես արդեն հաղորդել է NEWS.am-ը, սեպտեմբերի 9-ի առավոտյան մահապարտ-ահաբեկիչը պայթեցրել էր ականապատված մեքենան` Վլադիկավկազի շուկայի մոտ: Զոհվել էր 19 մարդ, այդ թվում՝ չորս հայ: տուժածների թիվն անցել էր 160-ից:
