Նախընտրելի
ESET-ի մասնագետները Twitoor-ի վնասակար հավելված են հայտնաբերել, որը միկրոբլոգերի Twitter ծառայության միջոցով կառավարում է Android սարքերը, հայտնում է Gazeta-ն:
Վնասակար ծրագրային ապահովումը (ԾԱ) թաքնվում է որպես պոռնոտեսանյութերի ցուցադրիչ կամ MMS-ներ ուղարկող հավելված եւ տարածվում է բջջային սփամի միջոցով:
«Գործարկվելով` Twitoor-ն օգտատիրոջ համար աննկատ ստուգում է Twitter –ի տվյալ հաշիվները` խարդախներին անհրաժեշտ հրահանգներ հայտնաբերելու: Կախված ստացված հրահանգներից` վնասակար ծրագրային ապահովումը բանկային տրոյաններ է ներբեռնում կամ էլ անցնում է այլ հաշիվներ», — հայտնել են ESET-ում:
Ընկերության վիրուսային վերլուծաբան Լուկաշ Ստեֆանկոյի խոսքով, բարդ է հայտնաբերել եւ արգելափակել Twitoor-ը, որովհետեւ ԾՕ-ն գործում է սոցցանցերի օգնությամբ` հրահանգային սերվերի միջոցով «ավանդական» կապի փոխարեն:
