«Բուշեր» ԱԷԿ-ի երկու նոր էներգաբլոկի շինարարությունը կսկսվի սեպտեմբերի  8-ին: Այդ մասին հայտնել է Իրանի Ատոմային էներգիայի կազմակերպության    (AEOI) ղեկավար Ալի Աքբար Սալեհին, հայտնում է Ինտերֆաքսը: 

Հաղորդվում է, որ Ռուսաստանը եւ Իրանը  2014 թվականի նոյեմբերի 11-ին միջկառավարական համաձայնագրին կից արձանագրություն են ստորագրել, որը վերաբերում է Իրանում ԱԷԿ-ի շինարարությանը: Փաստաթղթի համաձայն, կողմերը մտադիր են համագործակցել Իրանի տարածքում  ՋՋԷՌ ռեակտորներով ութ էներգաբլոկի շինարարության գործում:  Հենց այդ ժամանակ պայմանագիր էր ստորագրվել  «Բուշեր» ԱԷԿ-ի երկրորդ հերթի շինարարության վերաբերյալ, որը նախատեսում է ԱԷԿ-ի երկու էներգաբլոկի կառուցում մինչեւ չորս էներգաբլոկ ընդլայնվելու հնարավորությամբ: