Ի նշան աշխատավարձերը չվճարելու դեմ բողոքի՝ Ռուսաստանի պաշտպանության նախարարության Սեւծովյան նավատորմի շինարարատեխնիկական 172-րդ բյուրոյի 29 աշխատակիցներ անժամկետ հացադուլ են հայտարարել։

Ինչպես հայտնում է «Գազետա.ru»-ն, մեկուկես տարի կազմակերպությունն իր աշխատակիցներին  չի վճարել շուրջ 2 մլն 200 հազար գրիվեն։ Այդ ընթացքում աշխատակիցների մեծ մասն արդեն դուրս է եկել աշխատանքից, սակայն արձակուրդային նրանց չեն վճարել։

Բյուրոյի աշխատակիցները նաեւ նշել են, որ մեկ տարի առաջ Ռուսաստանի պաշտպանության նախարարությունն իրենց զգուշացրել է ձեռնարկության շուտափույթ լուծարման մասին, սակայն պաշտոնական փաստաթղթեր մարդկանց ցույց չեն տվել։ Ձեռնարկության ղեկավարությունը, սակայն, հրաժարվում է մեկնաբանություններ տալ։