Նախընտրելի
Alphabet հոլդինգը (նրա մեջ է մտնում Google-ը), ինչպես նաեւ Yahoo! եւ Microsoft ընկերություններն իրենց որոնողական ծառայություններում կարգելափակեն հնդկական այն ծառայությունների գովազդը, որոնք օգնում են մինչեւ ծնունդը որոշել երեխայի սեռը: Նման միջոցները կապված են տեղական օրենսդրության հետ, որն ուղղված է լուծելու երկրում գենդերային անհավասարության խնդիրները, հայտնում է Bloomberg-ը:
Ավելի վաղ Հնդկաստանի Գերագույն դատարանը գլոբալ որոնողական համակարգերին մեղադրել էր տեղական օրենքները խախտելու համար: Երկրի իշխանությունները ինտերնետային կորպորացիային զգուշացրել են, որ եթե հրաժարվի աշխատել հնդկական շուկայի կանոններով, ձեռնարկության գործունեությունը կարող է դադարեցվել:
Դատարանը նաեւ փորձում է հասնել որոնողական համակարգերից այն ամբողջ բովանդակության վերացմանը, որը կապված է սեռը որոշելու հետ:
Նման ծառայություններն արգելված են 1994 թվականից: Դա կապված է աբորտների բարձր մակարդակի հետ այն դեպքում, եթե երեխան իգական սեռի է: Հնդկաստանում նաեւ վաղ տարիքում աղջիկների սպանությունների մեծ թիվ է արձանագրվել:
Ծնողները որդիների են գերադասում, որովհետեւ նրանք ավելի հուսալի կերակրող են համարվում եւ կարելի է ընտանիքը փոխանցել նրանց:
