Նախընտրելի
Հանրապետության հանրակրթական դպրոցներում հոկտեմբերի 25-ից կսկսվեն աշնանային արձակուրդները։ Համաձայն «Միջնակարգ եւ հատուկ հանրակրթական ուսումնական հաստատությունների 2010-2011 ուսումնական տարվա օրինակելի ուսումնական պլանների» 2010-2011 ուսումնական տարում արձակուրդները կկազմակերպվեն հետեւյալ ժամանակացույցով` 3-11-րդ դասարանների աշակերտների համար աշնանային արձակուրդները` հոկտեմբերի 25-ից 31-ը ներառյալ, ձմեռայինը` 2010 թվականի դեկտեմբերի 27-ից 2011 թվականի հունվարի 9-ը ներառյալ, գարնանայինը` 2011 թվականի մարտի 21-ից 27-ը ներառյալ։
Առաջին դասարանցիների աշնանային արձակուրդները կտեւեն հոկտեմբերի 25-ից նոյեմբերի 7-ը ներառյալ, ձմեռայինը` դեկտեմբերի 27-ից հունվարի 23-ը ներառյալ, իսկ գարնանայինը` մարտի 21-ից ապրիլի 3-ը ներառյալ:
Երկրորդ դասարանցիների արձակուրդները կկազմակերպվեն հոկտեմբերի 25-ից 31-ը ներառյալ, դեկտեմբերի 27-ից հունվարի 23-ը ներառյալ, մարտի 21-ից 27-ը ներառյալ:
Կրթության պետական կառավարման եւ տարածքային կառավարման լիազորված մարմիններն իրենց ենթակայության տակ գտնվող հանրակրթական ուսումնական հաստատությունների համար վերեւում սահմանված արձակուրդների ժամկետներում կարող են կատարել փոփոխություններ` նախապես համաձայնեցնելով ՀՀ կրթության եւ գիտության նախարարության հետ:
