Դոքսոռուբիցին հակաքաղցկեղային դեղամիջոցի նոր կոմպոզիտները կարող են կրկնակի մեծացնել դրա արդյունավետությունը։ Այս մասին NEWS.am–ի  հետ զրույցում ասել է ֆիզիկա–մաթեմատիկական գիտությունների թեկնածու, Հայաստանի ազգային պոլիտեխնիկական համալսարանի( նախկին ,Հայաստանի Պետական Ճարտարագիտական Համալսարան, ՀՊՃՀ)  ռենտգենակառուցվածքային հետազոտությունների բազային լաբորատորիայի վարիչ Էմմա Առաքելովան։

Աշխատանքը իրականացվել է Միջազգային գիտա-տեխնիկական կենտրոնի նախագծի շրջանակներում Է.Ռ.Առաքելովայի ղեկավարությամբ:Աշխատանքին մասնակցել են երեք հայկական կազմակերպությունների կոլեկտիվներ -Հայաստանի Ազգային պոլիտեխնիկական համալսարան (ՀԱՊՀ) ,Հայաստանի Գիտությունների Ազգային Ակադեմիայի Օրգանական և դեղագործական քիմիայի գիտա-տեխնոլոգիական կենտրոն (ՀԳԱԱ ՕԴՔԳՏԿ) և Հայաստանի Գիտությունների Ազգային Ակադեմիայի Մոլեկուլյար Կենսաբանության ինստիտուտ (ՀԳԱԱ ՄԿԻ):

Դեղամիջոցը կատարելագործելու համար գիտնականների թիմը Առաքելովայի գլխավորությամբ ստեղծել  է ցինկի օքսիդի հետ դրա կոմպոզիտային միացությունները։ Դրա համար ZnO նանոչափ թաղանթով  (180 նանոմետր հաստությամբ) ծածկել են դեղամիջոցի մակերևույթը    DC-մագնետրոնային եղանակով    արգոն-թթվածին միջավայրում ցինկե թիրախի փոշեցրմամբ:

Դոքսոռուբիցին դեղանյութի ցինկoքսիդային կոմպոզիտների in-vitro   հետազոտությունները կատարվել են ՀԳԱԱ ՄԿԻ :   in-vivo  հետազոտությունները  կենդանի օրգանիզմների (մկների) Էրլիխի կարցինոմով ուռուցքի վրա  ՀԳԱԱ ՕԴՔԳՏԿ

Մկները, որոնց ցինկի օքսիդի կոմպոզիտային թաղանթով դեղ են ներարկել, կրկնակի երկար են ապրել։ Իսկ դեղամիջոցը կրկնակի պակաս են ներարկել:Հավանաբար կոմպոզիտային թաղանթում առկա ցինկի օքսիդը օգնում է այն նպատակային հասցնել ուռուցքով ախտահարված հյուսվածքին։

«Բնականաբար, որքան քիչ է դեղի չափաբաժինը, այնքան քիչ են դրա կողմնակի հետեւանքները։ Սակայն անգամ կրկնակի փոքր չափաբաժնով թաղանթը կրկնակի շատ քաղցկեղային բջիջներ է սպանել»,– պարզաբանում է Առաքելովան։

Ցինկի օքսիդով կոմպոզիտը գիտնականները ստացել  եւ փորձարկել են թաղանթի եւ հիդրոգելի վիճակում։ Պլանավորվում է ստանալ նաեւ լիոֆիլիզացված (սառեցրած–չորացրած) փոշու ձեւով։

Հետազոտություններն ընթացել են Միջազգային գիտատեխնիկական կենտրոնի աջակցությամբ։ Արդյունքները ներկայացվել են Երեւանում DigiTec Expo – 2016 ցուցահանդեսի ժամանակ։