նախընտրելի դարձնելՖեյսբուքյան իր էջում Մարկ Ցուկերբերգը հայտարարել է կորպորատիվ օգտատերերի համար Workplace սոցիալական ցանցի մեկնարկի մասին:
Ծառայությունը հասանելի է բոլոր օգտատերերի համար, սակայն ցանցին միանալու համար ընկերությունները պետք է դիմում լրացնեն նախագծի կայքում:
Ծառայությունը, ըստ երեւույթին, Facebook-ի՝ կորպորատիվ օգտատերերի համար ադապտացված տարբերակն է: Workplace-ում կան օգտատերերի խմբեր՝ թեմատիկ թիմեր կազմելու համար, անհատականացված լրահոս, տեսազանգերի հնարավորություն:
Ինչպես նշված է նախագծի կայքում, ծառայության մեջ չկան գովազդներ, իսկ Workplace-ի հետ աշխատելու համար օգտատերը կարող է օգտագործել Facebook-ից առանձնացված պրոֆիլ:
Facebook-ի ծրագրավորողները թողարկել են նաեւ Workplace-ի iOS և Android տարբերակները:
Ցուկերբերգի խոսքով, սոցիալական ցանցն արդեն օգտագործվում է հազարից ավելի կազմակերպությունների կողմից:
