Լիբանանում Հայաստանի դեսպան Աշոտ Քոչարյանը հանդիպում է ունեցել Լիբանանի վարչապետ Սաադ Հարիրիի հետ:

ԱԳՆ մամուլի ծառայությունից NEWS.am-ին հայտնում են, որ քննարկվել են երկկողմ հարաբերություններին առնչվող խնդիրներ: Երկուստեք կարեւորվել է բարձր մակարդակի փոխայցելությունների, առեւտրատնտեսական հարաբերությունների խորացման եւ ընդլայնման, իրավապայմանագրային դաշտի թարմացման, գործարար համաժողովների անցկացման անհրաժեշտությունը:  Պայմանավորվածություն է ձեռք բերվել քննարկել վարչապետ Հարիրիի Հայաստան կատարելիք հնարավոր այցի նոր ժամկետները: Դեսպան Քոչարյանը վարչապետ Հարիրիին  փոխանցել է Հայաստանի վարչապետ Տիգրան Սարգսյանի ողջույններն ու բարեմաղթանքները: