նախընտրելի դարձնել
Ադրբեջանական Oil եւ Gas Contraction Trust ընկերությունը Millennium Challenge Georgia (MCG) հիմնադրամի կողմից Վրաստանում «Հյուսիս-Հարավ» հիմնական գազամուղի վերակառուցման նոր փուլի համար հայտարարած միջազգային աճուրդի հաղթող է ճանաչվել:
Աճուրդի պայմանների շրջանակում Oil եւ Gas Contraction Trust-ը 120 օրվա ընթացքում պարտավոր է գազամուղի վերակառուցման համար հասցնել 6 մլն. դոլար ընդհանուր արժողությամբ խողովակներ եւ անհրաժեշտ սարքավորումներ:
Հոկտեմբերի 18-ին տեղի ունեցած աճուրդին բացի ադրբեջանական ընկերությունից մասնակցել էին նաեւ շվեյցարական Stemcor A.G. եւ վրացական New Energy ընկերությունները: MCG-ի տվյալներով, ներկայացված պահանջներին լիովին համապատասխանել էր միայն ադրբեջանական ընկերության առաջարկը, որի հետ էլ պայմանագիր է ստորագրվել: Այդ մասին հաղորդում է «Գռուզիա- Online»-ը:
«Հյուսիս-Հարավ» գազատարի վերակառուցման նոր փուլը մասամբ՝ 100 մլն. դոլարի չափով, ֆինանսավորվելու է դրամաշնորհի հաշվին, որը Վրաստանին հատկացրել էր Միացյալ Նահանգների կառավարությունը՝ 2008թ. Նոյեմբերին՝ «Հազարամյակի մարտահրավերներ» ծրագրի շրջանակներում:
