Նոյեմբերի 28-ին ՀՀ բնապահպանության նախարար Արծվիկ Մինասյանն ընդունել է ՀՀ-ում ԻԻՀ արտակարգ եւ լիազոր դեսպան Սեյեդ Քազեմ Սաջադին եւ ԻԻՀ նանոտեխնոլոգիաների գլխավոր շտաբի ղեկավար պրոֆեսոր Սայեդ Սարքարի գլխավորած պատվիրակությանը:

Հանդիպմանը քննարկվել են երկուստեք հետաքրքրություն ներկայացնող մի շարք հարցեր: Սայեդ Սարքարը տեսաֆիլմի միջոցով ներկայացրել է Իրանում նանոտեխնոլոգիաների զարգացման բնագավառում կատարված աշխատանքները եւ Հայաստանի հետ համագործակցության հնարավորությունները: Տարածաշրջանում որպես այս ոլորտի զարգացման առաջատար դիրք ունեցող երկիր՝ Իրանը, ըստ պրոֆեսոր Սարքարի, պատրաստ է էներգետիկայի, առողջապահության, շրջակա միջավայրի պահպանության ոլորտներում արդյունավետ փոխգործակցության միջոցով համատեղ ծրագրեր իրականացնել:

Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով

«Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով

Նախարար Արծվիկ Մինասյանը ողջունել է նախաձեռնությունը, նշելով, որ կաջակցեն համապատասխան գերատեսչությունների հետ պայմանավորվածությունների ձեռք բերման հարցում, միաժամանակ, վստահություն հայտնել, որ բնապահպանության նախարարությունը պատրաստակամ է մանրամասնորեն քննարկելու յուրաքանչյուր ծրագիր, որը հնարավորություն կտա բարձր տեխնոլոգիաների արդյունավետ ներդրումը շրջակա միջավայրի պահպանության ոլորտում:

Հանդիպմանն անդրադարձ է եղել Իրանի հետ անդրսահմանային ջրային ռեսուրսներին առնչվող հարցերին, մասնավորապես, Արաքս գետի աղտոտվածության խնդրին: Նախարար Արծվիկ Մինասյանը նշել է, որ Արաքսը հանդիսանում է անդրսահմանային ջրային ռեսուրս հինգ երկրների համար եւ աղտոտվածության աղբյուրները լիարժեք բացահայտելու նպատակով անհրաժեշտ է համապատասխան ուսումնասիրություններ կատարել բոլոր երկրների տարածքներում: Ավելին, իրանական Արեւելյան Ատրպատականի նահանգապետից կա դրական արձագանք այն մասին, որ հայկական կողմը չի աղտոտում Արաքս գետի ջուրը եւ գետի ձկներից վերցրած նմուշներում ծանր մետաղներ չեն հայտնաբերվել:

Կողմերը նշել են Արաքս գետի ջրի աղտոտվածության հայ-իրանական համատեղ մոնիթորիգի աշխատանքները շարունակելու անհրաժեշտությունն ու պատրաստակամությունը, իսկ հանդիպման ավարտին եւս մեկ անգամ վերահաստատել համագործակցության եւ արդյունավետ փոխգործակցության հանձնառությունը: