նախընտրելի դարձնել
ՆԱՍԱ-ն զբաղվում է հատուկ մետաղական ապակու մշակմամբ, որը կօգտագործվի տիեզերքի ուսումնասիրության նպատակով ռոբոտներ ստեղծելու համար, հայտնում է Informing-ը:
Ըստ էության, մասնագետների հայտնաբերած նյութը կարող է ռոբոտների համար զրահ ծառայել: Մասնավորապես, ՆԱՍԱ-ի աշխատակիցները մտադիր են ծավալուն մետաղական ապակիների միջոցով «զրահ» ստեղծել, որը ռոբոտներին կպաշտպանի արտաքին ջերմաստիճանից:
Նշենք, որ նոր նյութը, որն իր մեջ համատեղում է ապակու եւ մետաղի հատկությունները միաժամանակ, առանձնանում է ցածր ջերմաստիճանների ժամանակ կարծրությամբ եւ դիմացկունությամբ: Նոր հայտնագործությունը կարող է օգտակար լինել սառը տիեզերական օբյեկտների ուսումնասիրության ժամանակ:
Իր էությամբ լինելով ապակի՝ այս նյութը տաքանալիս կարող է հեշտությամբ հոսել՝ հալված պլաստիկի նման: Դա գիտնականներին թույլ է տալիս դրանից ամենատարբեր ձեւեր ստանալ:
