Վրաստանի Երկաթգծերի եւ «Հարավկովկասյան երկաթուղիներ» ընկերության  միջեւ բանակցություններ են տարվում միջազգային ուղերթների տոմսերը  մեկ միասնական համակարգով վաճառելու ուղղությամբ:

Նշված «Օրիոն» համակարգը մշակվել է Վրացական երկաթուղիների կողմից եւ ներկայումս գործում է միայն ներքին չվերթների համար:

Նախագծի իրականացման դեպքում սպասվում է հանգստացողների քանակի կտրուկ աճ ոչ միայն Սեւ ծովի ափին, այլեւ այլ հանգստավայրերում:

Նախագիծը նախատեսվում է գործարկման դնել մինչեւ հաջորդ հանգստյան շրջանը:

NEWS.am-ն ավելի վաղ հայտնել էր, որ հոկտեմբերի սկզբին Հարավկովկասյան երկաթուղիները  նշանակալիորեն բարձրացրել են տոմսերի գները` միջինում 35 տոկոսով: