նախընտրելի դարձնել
Ադրբեջանում խորհրդարանական ընտրությունները անցել են խաղաղ մթնոլորտում եւ բոլոր ընդդիմադիր ուժերը մասնակցել են քաղաքական գործընթացին, սակայն այդ ընտրությունների անցկացումն, ընդհանուր առմամբ, բավարար չէր երկրում ժողովրդավարության զարգացման գործում էական առաջընթացի համար: Այս մասին ասված է նոյեմբերի 8-ին միջազգային ԵԱՀԿ դիտորդական առաքելության տարածած հայտարարության մեջ, որը տեղադրված է ԵԱՀԿ կայքում:
Դիտորդները նշել են, որ ԿԸՀ-ն, ընդհանուր առմամբ, լավ է կառավարել ընտրական գործընթացների տեխնիկական ասպեկտները, սակայն լրատվամիջոցների եւ հավաքների սահմանափակ ազատությունը, եւ թեկնածուների գրանցման գործընթացը, որում եղել են թերություններ, ավելի են թուլացրել դիրքորոշումը եւ գրեթե անհնար դարձրել ակտիվ քաղաքական քննարկումները: Դա, ինչպես նաեւ մրցունակ մթնոլորտի ապահովման սահմանափակումը, թեկնածուների համար ոչ հավասար պայմաններ ստեղծելը, խոչընդոտել են ընտրողներին կատարել տեղեկացված ընտրություն:
«Չնայած գործադրված բոլոր ջանքներին, պետությունն պետք է շատ ավելին անի բազմակարծիք ժողովրդավարության զարգացման գործում առաջընթաց գրանցելու համար»,-ասել է Վոլֆգանգ Գրոսրուկը` ԵԱՀԿ կարճաժամկետ առաքելության եւ ԵԱՀԿ Խորհրդարանական Վեհաժողովի պատվիրակության նախագահը:
«Ադրբեջանում տնտեսական առաջընթացն ու կայունությունը ակնհայտ են: Կայունությունը կարող է ուժեղանալ միայն քաղաքական ազատականացման եւ երկրի ժողովրդականացման ճանապարհով: Անկախ դիտորդները գրանցել են խախտումներ ձայների հաշվաման գործում եւ արձանագրել քվեաթերթիկների լցոնումներ:
Ադրբեջանը պետք է գործադրի հետագա ջանքերը մեծ ժողովրդավարացում ապահովելու համար»,-ասել է Եվրախորհրդարանի պատվիրակության ղեկավարը Անելի Յատենմյակին:
«Ցավոք մեր դիտարկումները ցույց են տալիս, որ պայմաններ չեն ստեղծվել ամբողջական ժողովրդավարական ընտրությունների համար: Մենք հատկապես անհանգստացած ենք հիմնարար ազատությունների սահմանափակմամբ, լրտավամիջոցների անկողմնակալությամբ, մեկ կուսակցության գերիշխանությամբ եւ ընտրությունների օրը լուրջ ընտրախախտումներով: Մենք պատրաստ ենք իշխանություններին օգնել, որպեսզի ընտրությունների ընթացքում Ադրբեջանում ԵԱՀԿ-ի առջեւ ստանձնած բոլոր պարտականությունները կատարվեն»,-ասել է ԵԱՀԿ/ԺՀՄիԳ-ի երկարաժամկետ առաքելության ղեկավար Օդրի Գլովերը:
