նախընտրելի դարձնելBeeline-ը հայտարարում է առցանց հերթագրման համակարգի փորձնական նախագծի ներդրման մասին: Earlyone բջջային հավելվածի միջոցով ընկերության բաժանորդները կարող են հեռախոսի օգնությամբ նախապես ընտրել իրենց հարմար սպասարկման ժամանակը, գրանցվել, եւ այնուհետեւ առանց հերթում սպասելու սպասարկվել Beeline-ի վաճառքի եւ սպասարկման գրասենյակում:
Փորձնական նախագծը գործարկվել է Կոմիտաս 26 եւ Աբովյան 21 հասցեներում գտնվող Beeline-ի երեւանյան գրասենյակներում, ինչպես նաեւ ք. Գյումրի Գորկու 65 հասցեում գտնվող գրասենյակում:
«Լինել Beeline-ի բաժանորդ դա հեշտ է եւ հարմար, եւ մենք ձգտում ենք, որպեսզի մեր բաժանորդներին լինի հարմարավետ ամեն ինչում՝ նույնիսկ իրենց ժամանակի պլանավորման հարցում: Earlyone բջջային հավելվածը կօգնի դա իրականացնել, քանի որ նախապես հնարավորություն է ընձեռում հաճախորդին ընտրել իրեն հարմար ժամանակը գրասենյակ այցելելու, օգնում է խուսափել հերթերից, եւ մեկ անգամ եւս զգալ Beeline-ի նվիրվածությունն իր բաժանորդների հանդեպ», - նշեց Հայաստանում Beeline-ի Գլխավոր տնօրեն Անդրեյ Պյատախինը։
Առցանց հերթագրման համակարգում գրանցվելու համար բաժանորդը պետք է ներբեռնի Earlyone բջջային հավելվածը, ընտրի Beeline-ը, այնուհետեւ ընկերության մոտակա գրասենյակը, իրեն հարմար ամսաթիվը եւ ժամը:
Գրանցումից հետո հաճախորդին կտրամադրվի էլեկտրոնային կտրոն համարով, որը պետք է մուտքագրել գրասենյակում գտնվող էլեկտրոնային հերթերի համակարգում եւ սեղմել «Առցանց գրանցվողներին» կոճակը: Էլեկտրոնային կտրոնի համարը մուտքագրելուց հետո տերմինալը կտպի բաժանորդի համար նախընտրելի էլեկտրոնային կտրոնը:
Առցանց հերթագրման համակարգի մասին լրացուցիչ տեղեկատվություն կարող եք ստանալ հաղորդագություն ուղարկելով Facebook սոցիալական ցանցում Beeline Armenia պաշտոնական էջին կամ զանգահարել 0611 անվճար համարին: Նշենք, որ Earlyone բջջային հավելվածը մշակվել է Limetech ընկերության կողմից:
Հիշեցնենք, որ Earlyone թիմը մասնակցել էր ՎիմպելԿոմի կողմից կազմակերպված Eurasia Mobile Challenge մրցույթին եւ զբաղեցրել երկրորդ տեղը եւ կներկայացնի Հայաստանը Բջջային կապի համաշխարհային կոնգրեսի շրջանակում Բարսելոնում կայանալիք Mobile World Challenge 2017-ին:
