նախընտրելի դարձնելFacebook ընկերությունը մշակողներին արգելել է օգտագործել սոցայքում պահպանվող օգտատերերի մասին տեղեկությունը՝ լրտեսության նպատակներով։ Ընկերությունում հայտարարել են, որ նման կերպ հստակեցնում են իրենց արդեն գոյություն ունեցող քաղաքականությունը, հաղորդում է BBC–ն։
«Մշակողները չեն կարող օգտագործել հավաքած տեղեկությունը՝ լրտեսելու համար գործիքներ ստեղծելու նպատակով», - հայտարարել են ընկերությունում։
Անցյալ տարի Քաղաքացիական պաշտպանության ամերիկյան միությունն իմացել է, որ Facebook ընկերությունն ու նրա Instagram ստորաբաժանումը օգտատերերի տվյալներ է փոխանցել Geofeedia ընկերությանը, որը զբաղվում է հետեւելու համար սարքավորումներ արտադրելով՝ նախատեսված իրավապահ մարմինների համար։
Facebook–ում վստահեցրել են, որ միջոցներ են ձեռնարկել լրտեսության համար նախատեսված հավելվածներ ստեղծող ու վաճառող մշակողների դեմ։
