Նախընտրելի
Իրանի կարծիքով Պարսից ծոցի շրջանում, մասնավորապես Թուրքիայում հնարավոր պատերազմի դեպքում, ՆԱՏՕ-ի հակարթիռային պաշտպանությանն համակարգերն ուղղված կլինեն բացառապես Իսրայելի շահերի պաշտպանությանը:
Դա անհանգստություն է առաջացնում տարածաշրջանի եւ աշխարհի մահմեդական երկրներում:
«Մենք վտանգ չենք ներկայացնում տարածաշրջանի եւ ոչ մի պետության համար, եւ տարածաշրջանում ոչ մի այլ պետություն, բացի Իսրայելից, սպառնալիք չի ներկայացնում մեզ համար»,-այս մասին հայտարարել է Իրանի ԱԳՆ պաշտոնական ներկայացուցիչ Ռամին Մեհմանփարաստը:
Խոսելով Թուրքիայի տարածքում ՆԱՏՕ-ի հակահրթիռային պաշտպանության համակարգերի տեղադրման հավանականության մասին, իրանցի դիվանագետն ասել է, որ Արեւմուտքի նման ծրագրերը լուրջ կասկածներ են առաջացնում եւ ուղղված են առաջին հերթին Իսրայելի շահերի պաշտպանմանը:
NEWS.am-ն ավելի վաղ հաղորդել էր, որ Թուրքիայում հակահրթիռային պաշտպանության համակարգեր տեղադրելու մասին վերջնական որոշումը կկայացվի նոյեմբերի 19-20-ին Լիսաբոնում կայանալիք ՆԱՏՕ-ի գագաթաժողովին: Թուրքիայի պահանջներից մեկն այն է եղել, որ պաշտպանական համակարգերն ուղղված չլինեն Իրանի դեմ:
