նախընտրելի դարձնելՔրիստոնեական աշխարհը նշում է Քրիստոսի Սուրբ Հարության տոնը: Այս տարի քրիստոնեական բոլոր եկեղեցիները Զատիկը նշում են ապրիլի 16-ին:
Նախօրեին Երուսաղեմում Քրիստոսի Հարության տաճարում Տիրոջ գերեզմանի մատուռում իջեցվել է Բարեշնորհ կրակը: Համարվում է, որ եթե կրակը չի իջեցվում, ապա դա վկայում է աշխարհի վերջի մասին:
.jpg)
վ
Հայաստանում բոլոր եկեղեցիներում առավոտյան ժամը 10-ին իրականացվում է Զատկի առավոտյան ժամերգություն, որին հաջորդում է Սուրբ պատարագը: Մայր Աթոռ Սուրբ Էջմիածնում հոգեւոր արարողությանը մասնակցել են Հայաստանի եւ Արցախի նախագահներ Սերժ Սարգսյանն ու Բակո Սահակայնը: Իսկ նախօրեին երեկոյան տեղի է ունցել Ճրագալույցի պատարագ:
Հռոմի Պապ Ֆրանցիսկոսը Սուրբ Պետրոսի տաճարում տոնական աղոթքի ժամանակ կաթոլիկներին կոչ է արել բարյացակամ լինել փախստականների, անպաշտպան ու թույլ մարդկանց նկատմամբ: Մինչեւ աղոթքը՝ Սուրբ Պետրոսի հրապարակը զարդարվել է 30 հազար ծաղիկներով, հրապարկում հազարավոր ուխտավորներ են հավաքվել՝ Պապին լսելու համար:
Մոսկվայում նույնպես զատկական ժամերգություն է տեղի ունեցել: Մոսկվայի Փրկչի Տաճարի հոգեւոր արարողությունն ուղիղ հեռարձակվել է կենտրոնական հեռուստաալիքներով: Արարողությանը, որը մատուցել է Համայն Ռուսիո պատրիարք Կիրիլը, մասնակցել են նաեւ ՌԴ նախագահ Վլադիմիր Պուտինն ու վարչապետ Դմիտրի Մեդվեդեւը: ՏԱՍՍ-ի փոխանցմամբ՝ ավելի քան 4,3 մլն մարդ մասնակցել է զատկական ժամերգությանը:
Սուրբ Զատկին նվիրված հոգեւոր արարողություն է տեղի ունեցել նաեւ Կահիրեի Սուրբ Մարկոսի մայր տաճարում՝ Ղպտի ուղղափառ եկեղեցու պատրիարք Թավադրոս II-ի ձեռամբ: Այս տարի ավանդական եկեղեցական միջոցառումները սահմանափակվել են՝ հաշվի առնելով Ալեքսանդրիա եւ Տանտա քաղաքների քրիստոնեական տաճարներում վերջին պայթյունները:
«Զատիկ» բառը, որը գալիս է եբրայերենից եւ բառացի թարգմանությամբ նշանակում է «անցնել կողքով», ունի ազատվելու իմաստ: Քրիստոնյաների մոտ այն ուրիշ մեկնաբանություն է ձեռք բերել՝ «անցում մահվանից կյանք, երկրից՝ երկինք»:
Ուրբաթ՝ չարչարանաց շաբաթից հետո Հիսուսը խաչվեց Գողգոթայում: Աշակերտները նրա մարմինն ամփոփեցին ժայռի մեջի դամբարանում եւ փակեցին քարով: Հաջորդ առավոտյան (կիրակի) հավատացյալ կանայք եկան՝ նրա տանջահար մարմինը լավանելու եւ օծելու: Նրանց երեւաց հրեշատակը եւ ավետեց Քրիստոսի Հարության լուրը: Ի հիշատակ այդ իրադարձության՝ Զատիկի ժամանակ հավատացյալներրը միմյանց ողջունում են. «Քրիստոս հարյավ ի մեռելոց» եւ որպես պատասխան ստանում՝ «Օրհնյալ է հարությունը Քրիստոսի»:
