Ֆուտբոլի Իսպանիայի առաջնության առաջին շրջանի գլխավոր իրադարձությանը մնաց մեկ շաբաթ: Նոյեմբերի 29-ին Նոու Կամպ ստադիոնում կկայանա հերթական կլասիկոն: 13-րդ տուրում Բարսելոնան կընդունի Մադրիդի Ռեալին:

Դրանից առաջ երկու թիմերն էլ յուրօրինակ ուժի ցուցադրություն կազմակերպեցին միմյանց համար: Բարսելոնան հյուրընկալվելիս 8:0 հաշվով խայտառակեց Ալմերիային: Պարտությունից հետո Ալմերիայի նախագահն անմիջապես պաշտոնանկ արեց թիմի գլխավոր մարզչին: Իսկ Բարսելոնայի կազմում հեթ-տրիկով աչքի ընկավ Լիոնել Մեսին, դուբլի հեղինակ դարձավ Բոյան Կրկիչը:

Այդ խաղից անմիջապես հետո մեկնարկեց Ռեալ - Աթլետիկ, Բիլբաո հանդիպումը: Արքայական ակումբը պետք է վերադարձներ առաջին տեղը, իսկ Ռոնալդուն ռմբարկուների ցուցակում հասներ Մեսիին:

Ժոզե Մոուրինյոյի թիմը խնդիրը լուծեց անվրեպ: Ռոնալդուն Մեսիի նման երեք գոլի հեղինակ դարձավ, Արքայական ակումբն էլ հաղթեց 5:1 հաշվով: Հյուրերի հեղինակության գոլի հեղինակն աշխարհի չեմիոն Լիորենտեն է:

Ռեալը վերադարձավ առաջին տեղ, իսկ Ռոնալդուն 15 գոլով դարձյալ գլխավորեց ռմբարկուների ցուցակը: Մեսին աչքի է ընկել 13 անգամ:

12-րդ տուր

Ալմերիա - Բարսելոնա` 0:8

Մեսի, 17, 37, 67, Ինյեստա, 19, Ակասյետե, 27-ինքնագոլ, Ռոդրիգես, 35, Կրկիչ, 62, 73

Ռեալ - Աթլետիկ` 5:1

Իգուաին, 19, Քրիշտիանու Ռոնալդու, 30, 62, 90-11մ, Ռամոս, 57-11մ - Լիորենտե, 40

Վիլյառեալ - Վալենսիա` 1:1

Ռոսի, 73 - Ռոդրիգես, 21-ինքնագոլ

 

                                   Խ            Հ             Ո            Պ            Գ            Մ

1. Ռեալ                       12           10           2             0             33-6       32

2. Բարսելոնա               12           10           1             1             33-8       31

3. Վիլյառեալ                12           7             3             2             23-12     24

4. Վալենսիա                12           6             3             3             17-12     21