Եվրոպացի աստղագետների թիմը՝ Լարա Սիդոլիի ղեկավարությամբ հայտնաբերել է ամենադանդաղ ռենտգենյան պուլսարը՝ AX J1910.7 + 0917։ Դրա պտույտի ժամանակը կազմում է 36 200 վայրկյան։ Դրանով իսկ այն առայսօր հայտնի ամենադանդաղ ռենտգենյան պուլսարն է ճանաչվել, փոխանցում է «Պոպուլյարնայա մեխանիկան»։

Ռադիոպուլսարների նման՝ ռենտգենային պուլսարները իրենցից ներկայացնում են նեյտրոնային աստղեր՝ ուժեղ մագնիսային դաշտով։  Ռենտգենային պուլսարները ամենավառ օբյեկտներից են ռենտգենային երկնքում։

AX J1910.7 + 0917 պուլսարը հայտնաբերվել է ճապոնական արբանյակի կողմից 2001-ին ։ Սկզբում աստղագետները այն դասակարգում էին որպես ռենտգենային ճառագայթման համեմատաբար թույլ աղբյուր։ Քանի որ հայտնաբերված պուլսարը հեռու չէր  W49-ից, որը դիտարկում էր NASA Chandra ռենտգենային աստղադիտարանը, այն հայտնվել է աստղագետների ուշադրության կենտրոնում։

Լարա Սիդոլիի թիմը մի քանի տարի վերլուծել է AX J1910.7+0917 պուլսարի մասին տվյալները։ Հետազոտողներին հաջողվել է պարզել, թե պուլսարի նեյտրոնային աստղի պտտման որ տեւողությունն է հնարավոր բացատրել պուլսարի վրա աստղային քամու քվազիսֆերիկ ակրեցիայի ռեժիմով։