նախընտրելի դարձնել
Սիրիայի նախագահ Բաշար Ասադը հեռախոսազրույց է ունեցել Ադրբեջանի նախագահ Իլհամ Ալիեւի հետ։
Թուրքական Zaman-ի հաղորդմամբ՝ երկու երկրների նախագահները քննարկել են երկկողմ հարաբերությունների զարգացման հետ կապված խնդիրներ։
Թուրքական պարբերականը նկատել է, որ հեռախոսազրույցը տեղի է ունեցել հայկական պատվիրակության՝ Սիրիա կատարելիք այցից առաջ։
NEWS.am-ը հիշեցնում է, որ նոյեմբերի 22-ի երեկոյան եռօրյա պաշտոնական այցով Սիրիա է մեկնել Հայաստանի ԱԺ նախագահ Հովիկ Աբրահամյանի գլխավորած պատվիրակությունը:
Հովիկ Աբրահամյանը Դամասկոսում հանդիպումներ կունենա Սիրիայի նախագահ Բաշար ալ-Ասադի, Ժողովրդական ժողովի նախագահ Մահմուդ ալ-Աբրաշի, վարչապետ Նաջի Օտրիի հետ: Հովիկ Աբրահամյանը ելույթ կունենա Սիրիայի Ժողովրդական ժողովի նստաշրջանում: Այստեղ տեղի կունենա Հայաստանի եւ Սիրիայի պատվիրակությունների ընդլայնված նիստ, երկու երկրների խորհրդարանների նախագահները կստորագրեն փոխըմբռնման հուշագիր: ՀՀ ԱԺ նախագահի գլխավորած պատվիրակությունը կայցելի նաեւ Դամասկոսի Հայոց Թեմի Առաջնորդարան:
