նախընտրելի դարձնելՀայաստանի խորհրդարանում այսօր՝ հուլիսի 7-ին, ընդունվեց Հայաստանի Հանրապետության 2016 թվականի պետական բյուջեի կատարման մասին տարեկան հաշվետվությունը հաստատելու մասին Ազգային ժողովի որոշման նախագիծը:
Մինչ քվեարկությունը ԱԺ «Ելք» խմբակցության ղեկավար Նիկոլ Փաշինյանը ընդդիմադիրներին կոչ արեց չմասնակցել քվեարկությանը:
«Ելքը» դեմ է եւ ճիշտ կլիներ, որ ընդդիմությունը չքվեարկեր, քանի որ խորհրդարանական մեծամասնության ներկայացուցիչների ձայները բավական չեն, որպեսզի կատարողականը հաստատվի: Մենք առաջարկում ենք չմասնակցել քվեարկությանը, որպեսզի այս որոշումը չանցնի»,-ասաց նա:
«Ծառուկյան» խմբակցության պատգամավոր Վահե Էնֆիաջյանն էլ նշեց, որ իրենց խմբակցությունը եւս դեմ է, սակայն, չքվեարկելու մեջ որեւէ հիմք չեն տեսնում:
Արդյունքում՝ 53 կողմ, 22 դեմ և 1 ձեռնպահ ձայներով որոշումն ընդունվեց:
