Իրանական անօդաչուն մոտեցել է ԱՄՆ ՌԾՆ ռազմական օդանավին, երբ պատրաստվում էր վայրէջք կատարել Պարսից ծոցում գտնվող ավիակրի վրա։ Reuters-ը, վկայակոչելով ամերիկյան պաշտոնյային, հայտնում է, որ QOM-1 անօդաչուն մոտեցել է F/A-18E օդանավին 31 մ հեռավորության վրա, անտեսելով ռադիոազդանշանները։ Ամերիկյան օդանավը կատարել է մանեւր, որպեսզի շրջանցի դրոնին։ Պաշտոնյան իրանական կողմի այդ գործողություններն անվանել է «ոչ անվտանգ ու ոչ պրոֆեսիոնալ»։