նախընտրելի դարձնելԿատալոնիայում զանգվածային գործադուլ է ընթանում, փակ են որոշ ճանապարհներ։ Գործադուլի կազմակերպիչներն են Intersindical-CSC–ը։ Թեպետ գործադուլի պաշտոնական պատճառը աշխատանքային իրավունքների ընդլայնումն է, կուսակցություններն իրենց կողմնակիցներին կոչ են արել փողոց դուրս գալ՝ ի պաշտպանություն ձերբակալված կատալոնցի քաղաքական գործիչների, հայտնում է El Pais–ը։
Ahora sí, hacia pl.Sant Jaume que van: pic.twitter.com/BgMRvx4mJC
— Jessica Mouzo (@CinzasNoPeto) 8 ноября 2017 г.
Ակտիվիստների խումբը արգելափակել է ճանապարհները, Բարսելոնում փակ է 39 ճանապարհ։ Մետրոն եւ ավտոբուսներն աշխատում են սովորական ռեժիմով, քաղաքային իշխանությունները հրաժարվել են միանալ գործադուլին։ Ցուցարարները նաեւ կաթվածահար են արել գնացքների շարժը, մասնավորապես դեպի Ժիրոնա։
Կատալոնիայի խորհրդարանը հոկտեմբերի 27-ին 70 կողմ, 10 դեմ եւ 2 ձեռնպահ ձայնով կողմ էր քվեարկել Իսպանիայից անկախանալուն։
Իսպանիայի Սենատն իր հերթին քվեարկել էր Սահմանադրության 155-րդ հոդվածը կիրառելու օգտին, որը կասեցնում է Կատալոնիայի ինքնիշխանությունը։ Նույն օրը Իսպանիայի վարչապետը ցրել էր Կատալոնիայի խորհրդարանը եւ նոր ընտրություններ նշանակել։
Իսպանիայի կառավարության պաշտոնական թերթում հաղորդումից հետո Կատալոնիայի կառավարումն անցել է Մադրիդին։
