նախընտրելի դարձնելԱրհեստական ինտելեկտը կարող է ճշմարտության բարձր աստիճանով որոշել ռասայական պատկանելիությունը, կրթության մակարդակը եւմարդու քաղաքական հայացքները՝ կախված այն բանից, թե ինչ մեքենա է նա վարում, գրում է ԱՄՆ Գիտությունների ազգային ակադեմիայի լրատուն:
Սթենֆորդի համալսարանի հետազոտողները 50 միլիոն, հաճախ վատ որակ ունեցող, պատկերների վրա փորձել են համակարգչային տեսողության մեթոդը, որն ստացվել է Google Street View –ի օգնությամբ:
200 քաղաքի մեքենաների 22 միլիոն լուսանկար (ԱՄՆ տրանսպորտային միջոցների մոտ 8 տոկոսը) հատուկ ալգորիթմի միջով են անցել: Նեյրոցանցը ճշտորեն պարզել է մեքենայի տեսակը դեպքերի 88 տոկոսում, արտադրողին՝ 66 տոկոսով, մեքենայի մոդելը՝ 52 տոկոսով:
Պարզվել է, որ ասիական ծագումով ամերիկացիները մյուսներից ավելի հաճախ են գնում «Հոնդա» եւ «Տոյոտա», այն դեպքում, երբ աֆրոամերիկացիները շատ են սիրում «Կադիլակ» եւ «Կրայսլեր»: Այն շրջաններում, որտեղ անգլոսաքսոններն են ավելի շատ, առավել հաճախ կանգնած են «Սուբարու» եւ «Ջիպ»: Մի շարք ճշտումներ են արվել նաեւ կրթության ու սոցիալական կարգավիճակի մասին: Բայց հետազոտության ամենահեռանկարային մասը ամերիկացիների քաղաքական հայացքների որոշումն է:
Եթե դուք վարում եք փողոցում եւ ամենուր փիքափներ են, ապա 100-ց 82 տոկոս հավանականություն կա, որ այդ շրջանում մեծ մասամբ քվեարկում են հանրապետականների օգտին: Իսկ եթե քաղաքում ավելի շատ սեդաններ են վարում, ապա 88 տոկոսանոց հավանականություն կա, որ դա դեմոկրատների հատված է:
