նախընտրելի դարձնելFacebook-ը մինչեւ 13 տարեկան երեխաների համար Messenger Kids է թողարկել:
Մենք փորձել ենք պարզել՝ արդյոք դա այդքան լավ է, որքան սոցցանցը փորձում է ներկայացնել:
Ընկերության ներկայացուցիչները հավաստիացրել են, որ մանկական մեսենջերը ծնողների վերահսկողության տակ է գտնվելու, ավելին՝ միայն նրանք կկարողանան հաստատել իրենց երեխաների ընկերներին: Սսակայն շատ քաղաքական գործիչներ եւ գիտնականներ վրդովված են այս գաղափարից:
Ի՞նչ նպատակ է իր առջեւ դնում Messenger Kids հավելվածը
«Այսօր շատ ծնողներ թույլ են տալիս երեխաներին իրենց սմարթֆոններից եւ պլանշետներից օգտվել, սակայն նրանց մոտ հարց է առաջանում՝ ինչով են երեխաները զբաղվում համացանցում եւ որ հավելվածներից պետք է խուսափել» -ասում է Messenger Kids նախագծի մենեջեր Լորեն Չենը:
«Մեր ուսումնասիրությունների ընթացքում ծնողներն իրենք են պատմել մեզ այն մասին, ինչպես է պետք բարելավել մեր հավելվածները: Մենք որոշել ենք այն մշակել այն մարդկանց համագործակցությամբ, ովքեր օգտվելու են դրանցից եւ փորձագետների գլխավորությամբ», - ասում է Չենը:
Նա նշել է, որ Messenger Kids-ն, ընդհակառակը մանկության պաշտպանության աջակից է:
«Մենք ծնողներից հազարավոր հարցումներ ենք ստացել, որոնք ուզում են երեխաների հետ շփման արտադրանք եւ որը իրենք կարող են վերահսկել»:
Պե՞տք են արդյոք փոքր երեխաներին սոցցանցերը
Շոն Փարքերը Facebook-ի առաջին ներդրողներից է: Վերջերս կայացած համաժողվներից մեկում նա ասել է, որ իր օգնությամբ ստեղծված կայքը հավանաբար երեխաների վրա վատ ազդեցություն է թողնում:
«Միայն Աստված գիտի, թե ինչ են անում սոցցանցերը մեր երխաների ուղեղների հետ», - ասել է նա՝ խոսելով դոֆամինի փոքր հոսքի մասին, որը մարդը ստանում է, երբ սոցցանցում ինչ-որ մեկը իր գրառմանը լայք է դնում:
Ամերիկյան Common Sense Media-ն, որն իր գլխավոր նպատակն է համարում «երեխաների եւ ծնողների կյանքն ավելի լավը դարձնելը», մանրամասն ուսումնասիրել է, թե ինչպես են երեխաները սոցցանցերն օգտագործում:
«Մինչեւ 13 տարեկան երեխաների համար մեսենջեր ստեղծելն, առաջին հայացքից, լավ գաղափար է թվում», - ասում է կազմակերպության ղեկավար Ջեյմս Սթեյերը:
«Հիմա մեզ դուր է գալիս, որ մեսենջերում գովազդ չկա եւ կարծես թե իսկապես այնպես է արված, որ ծնողները լիովին վերահսկելու հնարավորություն ունենան: Բայց ինչու՞ մենք պետք է հավատանք, որ Facebook-ը երեխաների շահերի համար է գործում» - հարց է ուղղում նա:
Ի՞նչ են մտածում քաղաքական գործիչները
Բրիտանիայի առողջապահության նախարար Ջերեմի Հանթը քննադատել է մանկական մեսենջերը:
«Facebook-ը խոստացել էր անչափահասներին պաշտպանել իր արտադրանքի օգտագործումից եւ դրա փոխարեն ավելի է ընդլայնում սոցիալական ցանցը: Հեռու գնացեք իմ երեխաներից եւ պատասխանատու գործեք»,-ասել է նախարարը:
Վարչապետ Թերեզա Մեյի մամուլի քարտուղարը հրաժարվել է մեկնաբանել նախարարի խոսքերը:
«Հանթը մտահոգված է երեխաների մտավոր առողջության պաշտպանությամբ», — նշվում է հայտարարության մեջ:
Մի փոքր առողջության մասին
Շեֆիլդի համալսարանի բրիտանացի գիտնականները եկել են այն եզրակացության, որ որքան երեխաները ավելի շատ ժամանակ անցկացնում սոցիալական ցանցերում, այնքան ավելի դժբախտ են իրենց զգում:
Ըստ հետազոտության՝ սոցցանցերում մեկ ժամ անցկացնելը 14 տոկոսով նվազեցնում է հավանականությունը, որ երեխաները լիովին գոհ կլինեն կյանքից:
Անգամ մեկ ծնողի հետ ապրելը երեխայի բարօրության վրա 3 անգամ ավելի քիչ է ադում, նշում են գիտնականները:
Սոցցանցերը եւ հանցագործները
Ըստ ռուս հոգեբանների՝ համացանցի հայտնվելուց հետո, հանցագործները փորձում են երեխաների հետ ծանոթանալ ոչ թե փողոցում, այլ սոցցանցերում, որտեղ ավելի հեշտ է անանուն մնալ:
«Ծնողները կարծում են, որ երեխաների համար սմարթֆոն գնելով՝ նրանց հեռու կպահեն տհաճություններից:
Նրանք մտածում են, որ եթե երեխան փողոցում գնա խաղալու, ապա վտանգի մեջ կհայտնվի, բայց եթե հարեւան սենյակում պլանշետով նստի, ապա նրա հետ ոչինչ տեղի չի ունենա»,-ասել է հոգեբան Աննա Կիրյանովան՝ հավելելով, որ շատ մանկապիղծներ շատ լավ գիտեն երեխաների հոգեբանությունը:
Նրա խոսքով՝ երեխաները մեծերին իրենց կյանքում տեղի ունեցածի մասին քիչ են պատմում, առավել եւս ինտիմ բնույթի երեւույթների մասին:
«Լինում է, որ ծնողներն իրենց երեխաների նկատմամբ կիրառված բռնության մասին իմանում են միայն այն ժամանակ, երբ երեխան մեծանում է»:
Ըստ «ՌԻԱ Նովոստիի», lifehacker.ru-ի, BBC-ի նյութերի
